الشروط والخصوصية

آخر تحديث: نوفمبر 2026

البيع والدفع

نبيع «عدّة ريلز القصص» عن طريق Gumroad، وهو اللي ياخذ الدفع ويطلع لك الفاتورة. تدفع بـ Apple Pay أو فيزا أو ماستركارد أو PayPal. بعد الدفع على طول يوصلك إيميل فيه رابط التحميل، وتلقى مشترياتك بعد في حسابك على Gumroad.

شنو تشتري

• ملفات العدّة اللي يشغلها كلود على جهازك، وفيديو الشرح، ودليل البداية.
• العدّة تشتغل على ويندوز بس، وتحتاج اشتراكاتك إنت (Claude، والصور، والصوت). الاشتراكات مو داخلة في السعر.
• التحديثات ببلاش: كل نسخة جديدة توصلك على نفس الإيميل.

الاستخدام

• العدّة حقك إنت وحق براندك. لا تعيد بيعها، ولا تنشر ملفاتها، ولا تعطيها غيرك.
• الريلز اللي تسويها فيها حقك، تنشرها باسمك.
• لا تحط شعارات براندات غيرك، ولا ويوه ناس حقيقيين، ولا أي شي يسيء لأحد.

المساعدة

إذا ما اشتغلت العدّة على جهازك، راسلنا ونساعدك لين تشتغل.

الخصوصية

هالموقع ما يطلب منك أي بيانات، وما يحط كوكيز. الدفع وبياناته عند Gumroad، وتنطبق عليها سياسة الخصوصية حقتهم. نشوف بس اسمك وإيميلك اللي يعطينا Gumroad إياه عشان نوصلك العدّة والتحديثات ونرد عليك.

تواصل ويّانا

الإيميل: [email protected]
إنستقرام: @lagta.studio